Ինչպես հաղորդում է Ռիա Նովոստի գործակալությունը, Ռուսաստանը Միացյալ նահանգներից հետո աշխարհում գրավում է երկրորդ տեղը զենքի արտահանման ծավալներով:
Այդ մասին իր ամենամյա զեկույցում հայտնել է ամերիկյան IHS ընկերությունը:
Ընկերության գնահատմամբ Ռուսաստանի կողմից զենքի արտահանման ծավալները կազմում են 10 միլիարդ դոլար, որը 9 տոկոսով գերազանցել է 2013թ.-ի ցուցանիշը:
Ռուսաստանի հիմնական ռազմական գործընկերներն են Չինաստանը, Հնդկաստանը, Վենեսուելան ու Վիետնամը:
Հետազոտությունների արդյունքում աշխարհում զենքի առաքման ծավալներով առաջին հնգյակում շարունակում են մնալ ԱՄՆ-ը, Ռուսաստանը, Ֆրանսիան, Մեծ Բրիտանիան ու Գերմանիան:
Ամենածավալուն ռազմական ծախսեր իրականացրել է Սաուդյան Արաբիան՝ առաջ անցնելով Հնդկաստանից::
Աշխարհում ռազմական գործարքների ծավալները աճել են 13 տոկոսով: