Բրյուսելի ՆԱՏՕ-ի շտաբ-բնակարանում տեղի է ունեցել ՆԱՏՕ-Վրաստան հանձնաժողովի նիստ, հայտնում է apsny.ge-ն:
Վրաստանի կառավարության վարչակազմի տվյալներով՝ Վրաստանի պատվիրակությունը ղեկավարել է մարդու իրավունքների պաշտպանության և գենդերային հավասարության գծով վարչապետի օգնական Սոֆո Ջափարիձեն:
Ջափարիձեն զեկույց է ներկայացրել Վրաստանի իշխանությունների կողմից մարդու իրավունքների պաշտպանության, ձեռք բերված առաջընթացի և ապագայի պլանների վերաբերյալ: Բացի այդ, ուշադրության են արժանացել Վրաստանի օկուպացված տարածքներում մարդու իրավուքների խախտումները:
«ՆԱՏՕ-ի անդամ երկրների ներկայացուցիչները դրական գնահատեցին Վրաստանի ձեռք բերած առաջընթացը մարդու իրավունքների պաշտպանության գծով և նշեցին, որ Վրաստանի մասամբ իրականացրած դեմոկրատական բարեփոխումները կարող են օրինակ հանդիսանալ տարածաշրջանի մյուս երկրների համար, որը հաստատում է Վրաստանին ՄԱԿ-ի Անվտանգության խորհրդի անդամ ընտրելը: Դաշնակիցներն աջակցություն արտահայտեցին Վրաստանում անցկացվող բարեփոխումներին և եվրաատլանտյան ինտեգրացիային»,- նշված է վրացական կառավարության վարչության հայտարարությունում:
