«Ժողովուրդ» թերթը գրում է. «Ժողովուրդ»-ի հարցմանն ի պատասխան՝ ՀՀ պաշտպանության նախարարությունից տեղեկացրել են, որ դեկտեմբերի 5-ի դրությամբ 350 պայմանագրային զինծառայողներ սպասում են իրենց վերջնահաշվարկների վճարումներին: Տեղեկացնենք, որ պայմանագրային զինծառայողներն իրենց վերջնահաշվարկը ստանում են պայմանագրի ժամկետը լրանալուց հետո, անկախ այն բանից` նրանք պատրաստվո՞ւմ են նոր պայմանագիր կնքել, թե՞ ոչ:
«Ժողովուրդ»-ը դեռևս դեկտեմբերի 2-ի համարում գրել էր, որ բյուջետային միջոցների սղության պատճառով ՀՀ պաշտպանության նախարարությունը չի կարողանում ժամանակին վճարել պայմանագրային զինծառայողների վերջնահաշվարկները: և հիմա ՊՆ-ից մեզ տրված պատասխանում թեև նշվում է, որ նոյեմբերի 1-ի դրությամբ չվճարված գումարներ չեն եղել, այնուամենայնիվ, հաջորդիվ հայտնում են, որ դեկտեմբերի 5-ի դրությամբ առկա է վերջնահաշվարկի 350 դիմում»:
Մանրամասները՝ թերթի այսօրվա համարում
