Իրաքի և Սիրիայի տարածքում գործող «Իսլամական պետություն» ահաբեկչական խմբավորման գործունեությունն ավելի վտանգավոր ու շոկային է դառնում:
Ինչպես նշում է dailymail.co.uk-ը, ահաբեկիչները պղծել են Իրաքի տարածքում գտնվող քրիստոնեական մի շարք եկեղեցիներ:
Նրանք ոչ միայն ավերել են դրանցում եղած սրբապատկերներն ու մասունքները, այլև տապալել են գմբեթների խաչերն ու դրանք փոխարինել խմբավորման սև դրոշով:
Աղբյուրը մանրամասնում է, որ ստորև ներկայացված լուսանկարներն արվել են Նինվե քաղաքում` երբեմնի հզոր Ասորեստանի մայրաքաղաքում:
Պարբերականը հավելում է, որ գրոհայինների գործողություններն ապացուցում են, որ «Իսլամական պետությունը» փորձում է իր խալիֆայությունը «մաքրել» քրիստոնեական ժառանգությունից: