Թուրքական Dünya Bülteni լրատվական կենտրոնի փոխանցմամբ՝ եգիպտական նավատորմի 4 ռազմանավեր ուղարկվել են Ադենի ծովածոց: Եգիպտական ռազմանավերը պետք է անցնեն Սուեզի ջրանցքով և Կարմիր ծովով դուրս գան Ադենի ծովածոց:
Ակնկալվում է, որ դրանք նշանակման վայր կհասնեն այսօր երեկոյան: Սրանից առաջ Սաուդյան Արաբիան ու Պարսից ծոցի երկրները սկսել են ավիահարվածներ հասցնել Եմենի շիա ապստամբների դիրքերին: Ավիահարձակումներին մասնակցում է 148 մարտական ինքնաթիռ:
Այդ գործողությանն աջակցություն են հայտնել ԱՄՆ-ը, Մեծ Բրիտանիան, Թուրքիան ու Պակիստանը:
