Գերմանիան առաջիկայում ցամաքային գործողություններ չի խավալելու ԻՊ ահաբեկիչների դեմ

Գերմանիայի արտգործնախարար Ֆրանկ Վալտեր Շտայնմայերը բացառել է բունդեսվերի կողմից Սիրիայում ցամաքային ռազմական գործողության անցկացումը՝ փոխանցում է Deutsche Welle-ն։ Այս մասին նա ասել է Funke Mediengruppe հրատարակչական պարբերականներին տված հարցազրույցում։

Նա նշել է, որ ԴԱԻՇ-ի գրոհայինների դեմ պայքարում առանցքային դերը պետք է խաղա Սաուդյան Արաբիան։

Ավելի վաղ հաղորդվել էր, որ Գերմանիայի հետախուզական ծառայությունները սկսել են համագործակցությունը Սիրիայի նախագահ Բաշար Ասադի հատուկ ծառայությունների հետ։