Ինչպես տեղեկացրել ենք, Լոս Անջելեսում կայացել է ամենամյա «Ոսկե գլոբուս» մրցանակաբաշխությունը։ Ինչպես միշտ՝ միջոցառումն անցկացվում է Beverly Hilton հյուրանոցում:
Այս տարի «Լավագույն դրամատիկ ֆիլմ» մրցանակին է արժանացել ռեժիսոր Ռիչարդ Լինքլեյթերի «Պատանեկություն» (Boyhood) ֆիլմը։
«Լավագույն մինի-սերիալ» անվանակարգում հաղթող է ճանաչվել «Ֆարգո» հեռուստասերիալը, «Լավագույն արտասահմանյան ֆիլմ» անվանակարգում՝ ռուս ռեժիսոր Անդրեյ Զվյագինցևի «Լևիաֆան» ֆիլմը, «Լավագույն դրամատիկ սերիալ»՝ «Սիրահարները» սերիալը։
Տարվա լավագույն դրամատիկ դերասանուհի անվանակարգում հաղթել է Ջուլիանա Մուրը, իսկ տղամարդկանցից այդ մրցանակին է արժանացել Էդդի Ռեդմեյնը։
Լավագույն կատակերգու դերասանուհի է ճանաչվել Էմի Ադամսը։
Տարվա լավագույն մուլտֆիլմ է ճանաչվել «Ինչպես վարժեցնել վիշապին- 2» ֆիլմը։
Ջորջ Քլունին Սեսիլ Բ. ԴեՄիլի անվան պատվավոր մրցանակ է ստացել կինեմատոգրաֆի ոլորտում ներդրման համար:
Ամերիկացի ռեժիսոր Ուես Անդերսոնի «Հյուրանոց «Գրանդ Բուդապեշտ»» ֆիլմը մրցանակի է արժանացել «Լավագույն կատակերգություն» անվանակարգում։
Որպես լավագույն ռեժիսոր՝ «Ոսկե գլոբուս» մրցանակին է արժանացել Ռիչարդ Լինքլեյթերը։
