Վաշինգտոնի «Քարնեգի» հիմնադրամի կայքը տեղեկացնում է ,որ հունվարի 28-ին տեղի կունենա հիմնադրամի Հարավային Կովկասի հարցերով ավագ փորձագետ Թոմաս դե Վաալի` Հայոց ցեղասպանությանը նվիրված «Մեծ աղետ. Հայերն ու թուրքերը Ցեղասպանության ստվերի տակ» խորագրով գրքի շնորհանդեսը:
«Հայերի ոչնչացումն Օսմանյան կայսրությունում 1915-1916թթ. Առաջին համաշխարհային պատերազմի ամենամեծ ոճրագործությունն էր: Մոտ մեկ միլիոն հայ սպանվեց, իսկ ողջ մնացածները տարածվեցին ամբողջ աշխարհով: Անկախ բազմադարյա պատմությունից, այն, ինչ մարդկանց մեծամասնությունը կոչում է Հայոց ցեղասպանություն, շարունակում է զգոն պահել աշխարհի հայերին, ազդում է ժամանակակից Թուրքիայի նույնականացման և քաղաքականության վրա և գրավում է շատ ամերիկյան քաղաքական գործիչների: Իր գրքում Թոմաս դե Վաալը ուսումնասիրում է Հայոց ցեղասպանության հետևանքներն ու պատմում է քաջ հայերի, քրդերի ու թուրքերի վերջին փորձերի պատմությունը՝ պայմանավորվելու այն պայմաններում, երբ Թուրքիան մուտք էր գործում հետքեմալական շրջան»,- ասված է «Քարնեգի» հիմնադրամի կողմից տարածված հաղորդագրության մեջ:
