Ամերիկյան Associated Press լրատվական գործակալության փոխանցմամբ՝ Իրաքի կառավարությունը չորեքշաբթի հերթական անգամ դիմել է Թուրքիային՝ պահանջելով զորքերը դուրս բերել երկրի հյուսիսային հատվածից։
Իրաքի արտգործնախարար Իբրահիմ ալ-Ջաֆարին ընդգծել է, որ երկիրը շարունակելու է պնդել զորքերի խաղաղ դուրս բերումը։ Միևնույն ժամանակ նա զգուշացրել է, որ պատերազմի սպառնալիքի դեպքում Իրաքը կպաշտպանի իր ինքնիշխանությունը, քաղաքացիներին ու ռեսուրսներին։
