Նոբելյան մրցանակի 2015թ. ցուցակի գրականության ոլորտում ներառված է մոտ 200 գրող, պոետ և դրամատուրգ։ Ինչպես նշվում է Շվեդական ակադեմիայի հաղորդագրությունում, նրանցից 36-ն առաջադրվել են առաջին անգամ:
Deutsche Welle-ի փոխանցմամբ տեղեկությունն իր բլոգում հրապարակել է ակադեմիայի մշտական քարտուղար Փիթեր Էնգլունդը:
Ստացվել է 259 առաջարկ, սակայն որոշ գրողներ, Էնգլունդի խոսքով, բազմիցս են առաջարկվել, այդ պատճառով էլ ընդհանուր թիվը կրճատվել է մինչև 198։
Թեկնածուների ընդհանուր ցուցակից ակադեմիան նախ ընտրում է 20-25 հեղինակ։ Մայիսի վերջին կազմվում է կարճ ցուցակը՝ բաղկացած 5 մարդուց։ Իսկ հոկտեմբերին հայտարարվում է մրցանակակիրը։
Փիթեր Էնգլունդը կոչ է արել չհրապարակել թեկնածուների անունները. դա դեմ է ակադեմիայի կանոններին։
