Վերջին շրջանում հայաստանյան կյանքում տեղի ունեցող իրադարձությունները նման են ֆարսի` թեթև կատակերգության, որը եթե լրջանա` «վայն եկել, մեզ տարել է»: Լրագրողների հետ այսօրվա հանդիպման ժամանակ նման կարծիք հայտնեց ռեժիսոր Նիկոլայ Ծատուրյանը:
«Ինձ հարցնում են` ի՞նչ կլինի, եթե թատրոնը մեռնի: Ես էլ ասում եմ` ջայնամը մեռնի, մեռնում ա, թող մեռնի: Սաղ կյանքը թատրոն է, էլի: Հարսանիքը, կնունքը, թաղումը թատրոն է: Էդ պառլամենտը թատրոն չի` բա ի՞նչ ա»,- ասաց նա:
Ըստ նրա` մենք բավական հետ ենք մնում տարածաշրջանի երկրներից, և ինքը նախանձով է նայում, թե ինչպես է օր օրի զարգանում Վրաստանը:
