Շոտլանդիայի կառավարությունը հաստատել է, որ Գլազգոյում գրանցվել է մահաբեր հիվանդության՝ Էբոլա տենդի դեպք: Այս մասին գրում է BBC-ն:
Վարակն ախտորոշվել է Gartnavel հոսպիտալի հիվանդի մոտ, որը վերջերս էր վերադարձել Սիերա Լեոնայից: BBC-ի տվյալներով՝ նա կին է:
Նա Սիերա Լեոնայից Շոտլանդիա է ժամանել կիրակի երեկոյան:
Գրինվիչի ժամանակով ժամը 7:50-ին նրան մեկուսացրել են ինֆեկցիոն հիվանդությունների համար նախատեսված հատուկ բլոկում: Շոտլանդական կառավարությունում նշել են, որ հիվանդությունը հայտնաբերվել է վաղ փուլում, ուստի մարդկանց վարակվելու հավանականությունը շատ քիչ է: