Գյումրիում տեղի ունեցած ոճրագործությունից տուժած վեց ամսական Սերյոժա Ավետիսյանի վիճակը անփոփոխ է: Ինչպես տեղեկացնում են ՀՀ առողջապահության նախարարության հասարակայնության հետ կապերի բաժնից, երեխայի վիճակը կայուն ծանր է: Սակայն, բժիշկները դրական են գնահատում այն հանգամանքը, որ երեխայի վիճակը կայուն է:
Սերյոժա Ավետիսյանը Երևանի «Սուրբ Աստվածամայր» բժշկական կենտրոնում է: Հունվարի 16-ին կայացած վիրահատությունից առաջ ՀՀ առողջապահության նախարար Արմեն Մուրադյանի ղեկավարությամբ և աշխարհի առաջատար բժիշկների մասնակցությամբ հրավիրվել է չորրորդ կոնսիլիումը երեխայի առողջական վիճակը գնահատելու նպատակով:
