Նորքի 9-րդ զանգվածի 17-րդ շենքի բնակարաններից մեկում պայթեցված նռնակից վնասվածքներ ստացած 4 -ամյա Ելենա Դալլաքյանը երեկ զարկերակային անոթների 8 ժամանոց վիրահատության է ենթարկվել՝ բժիշկ Արտավազդ Սահակյանի ղեկավարությամբ:
Այս մասին Tert.am-ին հայտնել են «Սուրբ Աստվածամայր» բժշկական կենտրոնի ղեկավար Նիկոլայ Դալլաքյանը: «Երեխայի կյանքին լրջագույն վտանգ է սպառնում, ինչպես նաև ծայրանդամներին»,- ասաց Նիկոլայ Դալլաքյանը:
Ի պատասխան հարցի, թե երեխայի ոտքերը կպահպանվեն, բժիշկն ասաց, որ ժամանակ է հարկավոր՝ հասկանալու համար:
