Առանց մեկնաբանությունների. Tert.am-ը նման պատասխան է ստացել Ռուսաստանի Դաշնության գլխավոր դատախազության լրատվամիջոցների հետ փոխգործակցության վարչությունից՝ ի պատասխան հարցի, թե քննարկվել է արդյոք Վալերի Պերմյակովին ՀՀ 7 քաղաքացիների սպանության դեպքի առթիվ հարուցված քրեական գործի վարույթը ՀՀ իրավապահ մարմիններին փոխանցելու վերաբերյալ միջնորդությունը և ինչ ընթացք կարելի է ակնկալել:
Սույն վարչության աշխատակցուհին, որ ավելի վաղ խոստացել էր ճշտել, մեկ ժամ անց ասաց. «Գիտեք՝ հնարավոր չեղավ ճշտել, այնպես որ՝ առանց մեկնաբանությունների»:
Աշխատակցուհին, ճշգրտող հարցին, թե «առանց մեկնաբանությունների»-ն, միայն այսօրվան է վերաբերվում, թե առհասարակ, ասաց, որ միայն այսօրվան:
