Ռուսաստանյան LifeNews-ը գրում է, որ Գյումրիում յոթ մարդու սպանության մեջ մեղադրվող 19-ամյա Պերմյակովը դեռևս Չիտայում ծառայություն անցնելու ընթացքում մեկ ամսից ավելի գտնվել է զինվորական հիվանդանոցի հոգեբուժական բաժանմունքում:
Բժիշկները զինակոչիկի մոտ վարքի լուրջ խախտումներ են արձանագրել: Նրանք պարզում են, թե ինչպես են հանձնարարել Հայաստան տեղափոխել ժամկետային զինծառայողին, ով մշտապես հոգեբույժի մոտ զննում էր անցնում:
Քննիչները քրեական գործեր են հարուցել Վալերի Պերմյակովին զորակոչած Բալեյ քաղաքի զինկոմի, զորամասի հրամանատարի նկատմամբ:
Զինվորականները կասկածվում են անփութության մեջ, ինչը կարող էր ողբերգության հանգեցրած լինել: Քննության ներքո են գտնվում Անդրբայկալի Բալեյ քաղաքի զինկոմիսարիատի բաժնի պետ Ալեքսանդր Լոգինովսկին, ինչպես նաև զորամասի հրամանատար Եվգենի Սոցկովը:
Զինկոմը կասկածվում է այն բանում, որ ինքն ի սկզբանե ծառայության է թույլ տվել նորակոչիկի, ով հոգեբուժական շեղումներ է ունեցել՝ ընդ որում, փաստաթղթերն ամրագրելով դրական բնութագրով:
Նշվում է նաև, որ երբ Գյումրիի զորամասից հարցում էր ուղարկվել Չիտայից Հայաստան զորակոչիկներ տեղափոխելու մասին, տեղական զորամասի աշխատակիցները մոռացել էին նշել, որ Վալերի Պերմյակովը բուժում է անցել: