Մոսկվայի քաղաքային դատարանը մինչեւ ապրիլի 15-ը հայազգի գործարար Լեւոն Հայրապետյանին թողել Է տնային կալանքի տակ: Այդ մասին փետրվարի 11-ին դատարանի դահլիճից հաղորդել Է ՌԻԱ Նովոստիի թղթակիցը:
Այսպիսով, դատավորը մերժել Է Հայրապետյանի փաստաբանի բողոքը, որը պահանջում Էր ազատ արձակել նրան՝ մատնանշելով գործարարի վատ առողջական վիճակը: Հայրապետյանը տառապում Է մի շարք ծանր հիվանդություններից եւ մշտական բուժման կարիք ունի:
Հետաքննությունը Հայրապետյանին մեղադրում Է 2009 թվականի ապրիլին «Սիստեմա» բանկային արդյունաբերական խմբի կառույցներին Ուրալ Ռախիմովի կողմից «Բաշնեֆտ»-ի վաճառքին մեղսակից լինելու մեջ, որը վերջինս գլխավորում Էր երեք տարի: Ընդգրկուն արբիտրաժային գործընթացի արդյունքում «Բաշնեֆտ»-ը վերադարձվել Է պետությանը:
Հետաքննության տվյալներով՝ Հայրապետյանն ունի երկքաղաքացիություն, ինչպես նաեւ անշարժ գույք՝ արտասահմանում: Մասնավորապես, վերջին ժամանակներս նա ապրում Էր Մոնակոյում: Հետաքննությունն այս փաստով Էր հիմնավորում նրան մեկուսարանում պահելու անհրաժեշտությունը: Հոկտեմբերի սկզբին գործարարին տեղափոխել Էին տնային կալանքի տակ:
