rosbalt.ru-ն, հղում անելով իրավապահ մարմինների աղբյուրներին, հայտնում է, որ ռուսական ընդդիմության առաջնորդ Բորիս Նեմցովի սպանության գործով կասկածյալ Զաուր Դադաևը պատմել է՝ ինչու է սպանվել քաղաքական գործիչը:
Ըստ աղբյուրի՝ Դադաևը հայտնել է, որ Նեմցովին սպանել են Ռուսաստանում ապրող մուսուլմանների և, ընդհանրապես, իսլամի մասին բացասական արտահայտվելու համար։
«Դադաևը գրեթե խոստովանել է այդ հանցագործության կազմակերպման մասին, այդ պատճառով էլ որևէ աղմկահարույց բացահայտում և ձերբակալություն հետաքննության շրջանակում չի լինի»,- նշել է աղբյուրը։
Հիշեցնենք, որ Զաուր Դադաևը, ով Նեմցովի սպանության գործով ներգրավված է որպես մեղադրյալ, խոստովանական ցուցմունք է տվել: