Վանաձորում հարբած տղամարդիկ ծեծի են ենթարկել ՃՈ աշխատակիցներին եւ դիմել փախուստի:
Դեպքը տեղի է ունեցել Վանաձոր քաղաքի Շիրակի խճուղու սկզբնամասում, որտեղ ՃՈ 5 աշխատակիցներ իրականացնելիս են եղել իրենց ամենօրյա ծառայությունը:
Ժամը 02:30-ի սահմաններում ոստիկաններին է մոտեցել «Մերսեդես- բենց» մակնիշի մի ավտոմեքենա, որից իջել են 5 հարբած տղամարդ ու սկսել վիճաբանել ոստիկանների հետ: Վեճից հետո ոստիկանների եւ հարբած տղամարդկան միջեւ ծեծկռտուք է սկսվել, որի արդյունքում ոստիկաններից մեկը վնասվածքներ է ստացել:
