Հայաստանի ռուսական ռազմակայանի «Ալագյազ» բարձրլեռնային ուսումնավարժական համալիրում դաշտային ելանցին մասնակցող զինծառայողների հետ անցկացվել են հոգևոր-լուսավորչական միջոցառումներ:
Հավատացյալ զինծառայողների հետ աշխատանքի գծով միավորման հրամանատարի օգնական վանահայր Անդրեյը (Վաց) կատարել է պատարագ և մկրտության խորհուրդ:
Այս մասին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից:
Դաշտային ճամբարում քահանան օծել է ավելի քան 1000 միավոր հրազեն, շուրջ 300 միավոր ռազմական տեխնիկա, ինչպես նաև ռազմական օբյեկտները:
«Նման կարգի միջոցառումների անցկացումը թույլ է տալիս յուրաքանչյուր զինվորականի վստահություն հաղորդել վստահված զենքը և ռազմական տեխնիկան բանեցնելիս»,- ասել է զինվորական քահանան:
