«Իսլամական պետություն» խմբավորումը գրավել է Սիրիայի մայարաքաղաքի Յարմուկ թաղամասի մի մասը: Այս մասին հայտնում է Al Jazeera-ն: Իր հերթին AFP-ին այս մասին հայտնել է Պաղեստնի ազատագրման կազմակերպության Դամասկոսի մասնաճյուղը: Նրանց խոսքով՝ գրավված է Յարմուկի արևմտյան մասը:
Այլ աղբյուրներ հայտնել են, որ Յարմուկի որոշ հատվածներ գնդակոծվում են, սակայն կարծիք են հայտնել, թե դա կարող են լինել նաև Սիրիայի կառավարական ուժերը:
Յարմուկը Դամասկոսի արվարձաններից է, որտեղ տեղակայված է պաղեստինցի փախստականների ճամբարը: Սիրիայի հակամարտությունից հետո Յարմուկում 18 հազար փախստական է մնացել:
