Եմենի շիա ապստամբների տանկային շարասյունը նախօրեին ներխուժել է Ադեն նավահանգստային քաղաքը:
Չնայած միջազգային օդուժի հարվածներին, շիա ապստամբների հաջողվել է կոտրել գրոհայինների դիմադրությունն ու մտնել Ադեն:
Ապստամբների զորաջոկատները, տանկերի ու ռազմական տեխնիկայի ուղեկցությամբ մարտերից հետո գրավել են Ադենի Աքսար թաղամասը:
Ահաբեկված բնակիչները շարժվում են նավահանգիստ՝ նպատակ ունենալով լքել երկրի տարածքը:
Ադենը Եմենի հարվային դարպասն է եւ ունի ռազմաստրատեգիական կարեւոր նշանակություն: այս նավահանգստից են իրականացվում մի շարք կարեւոր բեռնափոխադրումներ ու նավթի առաքումներ:
Ավելի վաղ Ադենի ծովածոց են մտել Եգիպտական ռազմանավերը, որոնք նպատակ ունեն շրջափակել Եմենը ու ապստամբներին զրկել անհրաժեշտ մատակարարումներից:
Սաուդյան Արաբիան Եմենի սահմանագծին կենտրոնացրել է մեծ քանակությամբ զրահատեխնիկա ու զինուժ՝ հնարավոր ցամաքային գործողությունների դեպքում այն Եմենի տարածք շարժելու նպատակով:
Եգիպտոսը պատարստակամություն է հայտնել օժանդակել Սաուդյան Արաբիային ու հարկ եղած դեպքում ցամաքային ուժեր տեղափոխել Եմեն:
ԱՄՆ-ն անմիջականորեն չի մասնակցելու ռազմական գործողություններին, սակայն կօժանդակի արաբական երկրներին:
Ներկայումս Սաուդյան օդուժը ավիահարվածներ է հասցնում շիա ապստամբների հենակետերի ու զինապահեստների ուղղությամբ:
