Սիրիայի Արեւելյան Ղութ պրովինցիայում արյունալի մարտեր են ընթացել ԻՊ գրոհայինների ու կառավարական զորամիավորումների միջեւ: Մարտերն առժամանակ դադարել են սիրիական օդուժի հարվածներից հետո:
Ջեշ ալ-Իսլամ խմբավորման ահաբեկիչները հարձակման են անցել սիրիական ռազմաբազայի ուղղությամբ: Ողջ օրվա ընթացքում այստեղ արյունալի մարտեր են տեղի ունեցել:
Սիրիական օդուժն ու հրետանին հրետակոծել է Զաբադայինում տեղակայված գրոհայինների դիրքերը:
Հալեպի հյուսիսում ընթանում են դիրքային մարտեր, էական փոփոխություններ չեն գրանցվել:
Թել-Թամպ շրջանում շուրջ 38 օր շարունակվում է մարտերը ԻՊ գրոհայինների ու քուրդ աշխարհազորայինների միջեւ:
Այսօր քրդերին հաջողվել է ազատագրել Թել-Նուսրի բնակավայրը: Աշխարհազորայիններին օժանդակել է սիրիական օդուժն ու հրետանին:
