Ինչպես հաղորդում է Ռիա Նովոստի գործակալությունը, ՄԱԿ-ի անվտանգության խորհրդի կողմից Իրանի նկատմամբ ԵՄ-ի ու ԱՄՆ միակողմանի պատժամիջոցների չեղարկման դեպքում Ռուսաստանը կարող է իսլամական երկրին տրամադրել C-300 հրթիռային համակարգեր:
Նախօրեին Լոզանում վեցնյակի ու Իրանի բանակցություններում կողմերը համաձայնության են եկել միջուկային ծրագրի մի շարք առանցքային կետերում:
Ուստի, մոտ ժամանակներում սպասվում է Իրանի նկատմամբ պատժամիջոցների մեղմացում:
Ռուսաստանի փոխարտգործնախարար Սերգեյ Ռյաբկովը նշել է, որ անհրաժեշտ է չեղյալ հայտարարել նաեւ Իրանի զենք ձեռք բերելու սահմանափակումներ:
Նրա խոսքերով, նման պարագայում Ռուսաստանը կարող է վերանայել նախկին բանակցությունների արդյունքներն ու փոխշահավետ պայմաններում Իրանին տրամադրել հրթիռային համակարգեր, որի ձեռքբերմամբ շահագրգռված է նաեւ իսլամական պետությունը: