Հայաստանի ռուսական ռազմակայանի հրետանային ստորաբաժանումների 50-ից ավելի զինծառայողներ «Ալագյազ» բարձրլեռնային ուսումնավարժական համալիրում մասնակցում են Միջազգային բանակային խաղեր-2015-ի «Հրետակոծման վարպետները» մրցույթի առաջին ընտրական փուլին նախապատրաստվելուն:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, մրցումներն անցկացվելու են զորամասի հրետանային զորքերի հրամանատարի ղեկավարությամբ: Այդ մրցումներն ընթացիկ տարում անցկացվելու են առաջին անգամ:
Բարձրլեռնային տեղանքում կրակային վարժանքների կատարման առանձնահատկությունը ծովի մակարդակից ավելի քան 2000 մետր բարձրության վրա լիցքաթափված օդում ձգաբանական ուղղումների ճիշտ ընտրության անհրաժեշտությունն է:
Մրցույթի ընթացքում հրետանավորներից կպահանջվի առավելագույն արագությամբ հաղթահարել 5-կիլոմետրանոց բարդ ուղեգիծը կտրտված տեղանքում և ձեռքի նռնականետից ու ականանետից կրակ բացել պայմանական հակառակորդի տանկերի ու զանազան թիրախների վրա:
Լավագույն հրետանային անձնակազմերը կմասնակցեն «Հրետակոծման վարպետները» օկրուգային և համառուսաստանյան մրցումներին:
