Նիգերիայի հյուսիս-արեւելքում «Բոկո Հարամ» ծայրահեղական խմբավորման զինյալների հարձակման հետեւանքով առնվազն 24 մարդ է զոհվել:
Քարոզիչ ձեւանալով՝ զինյալները մեքենաներով ժամանել են Բոռնո նահանգի Քվաջաֆա գյուղ: Նրանք բնակիչներին մզկիթ են հրավիրել՝ իբր քարոզի, այնուհետեւ կրակ են բացել հավաքվածների ուղղությամբ:
Ըստ Reuters-ի, «Բոկո Հարամ» ծայրահեղական խմբավորումը Նիգերիայում ակտիվ գործունեություն է ծավալում, որի անդամները դեմ են հանդես գալիս կրթության արեւմտյան մոդելին եւ ցանկանում են հասնել երկրում շարիաթի կանոնների հաստատման: Խմբավորումը երկրում բազմաթիվ ահաբեկչական հարձակումներ է իրականացրել:
