Ինչպես հաղորդում է ՏԱՍՍ գործակալությունը, Դոնեցկի օպերատիվ գործողությունների կենտրոնից տեղեկացրել են, որ Դոնեցկի ուղղությամբ ուկրաինական ուժայինները տանկային մի քանի շարասյուն են շարժել:
Մի քանի ուղղությամբ Դոնեցկ են շարժվել ուկրաինական տանկեր, մասնավորապես մի քանի տասնյակ տանկ Ավդեեւկայից ուղղվել է Դոնեցկի օդանավակայանի կողմը:
Հիշեցնենք, որ նախօրեին լայնամասշտաբ մարտեր են ընթացել Պեսկի ու Սպարտակ բնակավայրերի ու օդանավակայանի մոտակայքում:
Գորլովկայի երկնքում նկատվել են ուկրաինական անօդաչու սարքեր:
Բնակավայր արեւմտյան հատվածում տեղի են ունեցել մարտեր ու լսելի եղել տանկային համազարկեր: