Զինյալները գրոհել են Լիբիայի մայրաքաղաք Տրիպոլիում Հարավային Կորեայի դեսպանատունը. Հարձակման հետեւանքով րկու մարդ զոհվել է, եւս մեկը վիրավորվել է, հաղորդում է «Սինխուա» գործակալությունը՝ վկայակոչելով հատուկ ծառայությունները։
Զինված խումբը, որը մեքենայով ընթանում էր դեսպանատան մոտով, գնդակոծել է դեսպանատան տարածքը, ասել է հատուկ ծառայությունների ներկայացուցիչ Մաբրուկ Աբու-Բաքրը, հաղորդում է «ՌԻԱ Նովոստին»։
Աբու-Բաքրը նշել է, թե միջադեպի ետեւում կանգնած է «Իսլամական պետություն» ահաբեկչական խմբավորումը։ Հատուկ ծառայությունները տեղեկություն չունեն, թե ով է եղել հարձակման թիրախը։
Նշենք, որ 2011 թվականին Քադաֆիի տապալումից հետո Լիբիայում ճգնաժամ է։ Քաղաքական դաշտում պայքարում են ազատականները, որոնց աջակցում է բանակը, եւ իսլամական կուսակցությունները՝ նախկին ապստամբների խմբերի աջակցությամբ։
