Վաղը` հունվարի 22-ին՝ ժամը 12:00-ին, Շիրակի մարզի ընդհանուր իրավասության դատարանում կվերսկվի Ավետիսյանների ընտանիքի սպանության գործով երրորդ դատական նիստը:
Հունվարի 18-ի դատական նիստին տուժողների իրավահաջորդների ներկայացուցիչների կողմից ներկայացվեցին միջնորդություններ, նախ՝ դատական նիստը Շիրակի մարզի ընդհանուր իրավասության դատարանի շենքում անցկացնելու վերաբերյալ, որը քննարկելու համար դատավորը կեսժամյա ընդմիջում հայտարարեց, ապա՝ մերժեց այն:
Այնուհետև միջնորդություն ներկայացվեց՝ դատավորի ինքնաբացարկի վերաբերյալ, որը ևս մեկժամյա ընդմիջումից հետո դատարանը մերժեց:
