Հոլիվուդյան աստղ Էնթոնի Հոփքինսը կխաղա գլխավոր դերերից մեկը Վրաստանի նախկին վարչապետ Բիձինա Իվանիշվիլիի «9+1» բազմասերիանոց ֆիլմում, գրում է newsgeorgia.ru-ն։
Ռեժիսոր Գոգա Խաինդրավան Միխեիլ Սաակաշվիլիի կառավարման 9 տարիների մասին ֆիլմի նկարահանումները խոստանում է սկսել սեպտեմբերին։ Հայտնի է, որ ֆիլմում վրացի դերասաններից կնկարահանվեն Միխայիլ Գոմիաշվիլին և Նինել Չանկվետաձեն։
Այժմ ռեժիսորի օգնականները բանակցություններ են վարում ևս մի հայտնի հոլիվուդյան դերասանի՝ Նիկոլաս Քեյջի հետ։ Վերջինս պետք է ֆիլմում կատարի երկրի նախկին նախագահ Միխեիլ Սաակաշվիլիի դերը։
Իսկ ինչ վերաբերում է Հոփքինսին, ապա նա, ամենայն հավանականությամբ, կկատարի օլիգարխ Իվանիշվիլիի դերը։ Մեկ այլ տեղեկությամբ՝ նա կատարելու է Վրաստանի նախկին նախագահ Էդուարդ Շևարդնաձեի դերը։ Հոլիվուդյան դերասանների հոնորարների մասին տվյալներ չկան։
