MUSEUM WEEK 2015 ակցիային մասնակցող թանգարանները մարտի 23-29-ն ընկած ժամանակահատվածում փորձում են նոր այցելուներ գրավել ժամանակակից տեխնոլոգիաների միջոցով:
Ինչպես նշում է euromag.ru-ն, երկուշաբթի օրվանից Twitter սոցկայքում #MuseumWeek հեշթեգով առցանց ռեժիմով հասանելի են աշխարհի լավագույն թանգարանների հարստությունները:
Աղբյուրը մանրամասնում է, որ ակցիային մասնակցում է աշխարհի 64 երկրի 1.104 քաղաքում գտնվող 2.200 թանգարան: Օրինակ` Ֆրանսիայից ներկայացված է 330 թանգարան:
Հատկացված 7 օրվա ընթացքում մշակութային հաստատությունները վիրտուալ այցելուների համար կբացահայտեն իրենց գանձերը, գաղտնիքներն ու ճարտարապետությունը:
Նշվում է, որ ակցիայի բոլոր մասնակիցների ամբողջական ցանկը կարելի է գտնել museumweek2015.org հասցեով:
