Արգենտինայում Խտրականության, քսենոֆոբիայի և ռասիզմի դեմ ազգային ինստիտուտի Սանտա Կրուսի պատվիրակության, Հայ դատի հանձնախմբի և Ռիո Գալյեգոս քաղաքի հայ համայնքի նախաձեռնությամբ ապրիլի 24-ին Սանտա Կրուսի մշակութային համալիրում կբացվի լուսանկարչական ցուցադրություն` նվիրված 1915-ի Ցեղասպանության ոգեկոչմանը:
Ինչպես գրում է tnriogallegos.com-ը` ցուցահանդեսը, որը նվիրվում է 1915-ի ապրիլի 24-ին տեղի ունեցած ձերբակալություններին և դրան հաջորդած կոտորածներին, որին զոհ է գնացել միլիոն ու կես հայ, բաց կլինի մինչև մայիսի 6-ը:
«Ամիսներ շարունակ պատրաստվել ենք Ցեղասպանության հարյուրերորդ տարելիցի ոգեկոչմանը, որն այնքան կարևոր է աշխարհի բոլոր հայերի համար, և մտադիր ենք շարունակել միջոցառումների անցկացումը ողջ տարվա ընթացքում», - նշել է Ռիո Գալյեգոս քաղաքի հայ համայնքի ղեկավար Ալեխանդրո Ավագյանը:
