Հռոմի պապ Ֆրանցիսկոսը կմարմնավորի ինքն իրեն ընտանեկան արկածային «Արևի մյուս կողմում» (Beyond the Sun) ֆիլմում՝ հայտնում է Variety-ն։ Ֆիլմի վրա աշխատանքը կսկսվի 2016 թվականի առաջին կեսին Իտալիայում։
Ինչպես նշում է պարբերականը՝ Հռոմի պապը անձամբ է խնդրել կինեմատոգրաֆիստներին ստեղծել ֆիլմ, որը կբացատրի երեխաներին Հիսուսի ուղերձը։
Նախագծի հիմքում ընկած է Նոր Ավետարանը։ Գլխավոր հերոսները կլինեն երեխաները, իսկ ֆիլմի վարձույթից ստացված շահույթը ծրագրվում է փոխանցել բարեգործությանը։
