Ֆրանսիայի Ազգային ասամբլեայի անդամներն այս շաբաթ քննարկման են դնելու օրինագիծ, որն արգելում է նորաձևության ցուցադրություններում չափից ավելի նիհար ու թերսնված մոդելների մասնակցությունը, ինչպես նաև անորեքսիայի քարոզը:
Ինչպես նշում է euromag.ru-ն, ֆրանսիացի պատգամավորների նպատակն է թույլ չտալ «կմախքանման» մոդելներին պոդիում բարձրանալ:
«Թերսնվելու փաստի քարոզն ու կոմերցիոն նպատակներով մարդկանց առողջությունը վտանգելն ուղղակի անթույլատրելի է»,-նշել է պատգամավոր Օլիվյե Վերանը:
Օրինագծի ընդունման դեպքում մոդելային գործակալություններին այլևս չի թույլատրվի աշխատանքի վերցնել թերսնման ախտանիշ ունեցող մոդելներին:
Օրնեքը խախտողներին կսպառնա մինչև 6 ամսվա ազատազրկում, ինչպես նաև 75.000 եվրո տուգանք: