Բրոկոլին, բանանը և քնջութը ոսկորների խնդրի դեմ պայքարելու ամենաարդյունավետ բնական միջոցներն են:
Ինչպես գրում է Healthy Life Tricks-ը` երիտասարդ տարիքում շատ կարևոր է ակտիվ կենսակերպը, քանի որ դա նպաստում է ոսկորների աճին և զարգացմանը: Պարբերականը ներկայացրել է երեք մթերք, որոնք կարող են ամրացնել ոսկորներն և կանխել հետագայում օստեոպորոզի առաջացումը:
Բրոկոլի
Բրոկոլին իր մեջ պարունակում է մեծ քանակությամբ հանքանյութեր և սպիտակուցներ, ինչպես նաև կալցիում: Բրոկոլին առավել օգտակար է հում վիճակում ուտելը` աղցանների տեսքով:
Բանան
Բանանը ո՛չ միայն համեղ մրգերի շարքին է պատկանում, այլև` շատ սննդարար է: Այն կարող է սննդակարգի կարևոր բաղկացուցիչ մաս դառնալ հատկապես օստեպորոզի դեմ պայքարողների համար: Բանանը հարուստ է հանքանյութերով, մանգանով, մագնեզիումով, ֆոսֆորով: Բանանում առկա վիտամինները նպաստում են ոսկորների ամրությանը:
Քնջութ
Քնջութը օստեոպորոզի դեմ պայքարող համեմունքներից է: Շատ օգտակար է նաև քնջութի ձեթը, որը հաճախ կարող է փոխարինել ձիթապտղի յուղին: Այն պարունակում է մեծ քանակությամբ կալցիում, մանգան, պղինձ, մագնեզիում: Կալցիումի պակաս ունեցողների համար քնջութն ուղղակի անփոխարինելի մթերք կարող է հանդիսանալ: