Բրիտանացի հայտնի երգչուհի Ադելը, ով վերջերս թողարկած «Hello» հիթի և «25» ալբոմի շնորհիվ գրանցեց բազում ռեկորդներ, պաշտոնապես ճանաչվել է 2015թ. վաճառքի լավագույն ցուցանիշներն ապահոված երգչուհին, հայտնում է Rosbalt-ը:
Ֆոնոգրաֆիկ արդյունաբերության միջազգային ֆեդերացիան (IFPI) հանդես է եկել նման հայտարարությամբ` հիմնվելով ամբողջ աշխարհում երաժշտական ձայնագրությունների վաճառքի ցուցանիշների վրա:
««25» ալբոմը 2015թ. աշխարհի կտրվածքով դարձավ իսկական սենսացիա, իսկ Ադելն էլ պարզապես ֆենոմեն է»,-նշել է IFPI-ի գործադիր նախագահ Ֆրանս Մուրը:
