Փետրվարի 27-ին Սիրիայում ուժի մեջ կմտնի հրադադարի ռեժիմը

Բրիտանական Reuters լրատվական գործակալության փոխանցմամբ՝ Սիրիայում ռազմական գործողությունների դադարեցման ԱՄՆ-ի ու Ռուսաստանի պլանը համաձայնեցվել և ուժի մեջ է մտնում փետրվարի 27-ից։ Այդ մասին հայտնել են արևմտյան դիվանագիտական աղբյուրները։

Նրանց հաղորդմամբ՝ փաստաթղթից բացառվել են ԴԱԻՇ, «Ալ-Քաիդա», «Ջաբհաթ ալ-Նուսրա» խմբավորումներ անունները։ Նախօրեին ԱՄՆ պետքարտուղար Ջոն Քերին հայտարարել էր, որ Ռուսաստանի արտգործնախարար Սերգեյ Լավրովի հետ պայմանավորվել է Սիրիայում ռազմական գործողությունների ժամանակավոր դադարի շուրջ։