Սանկտ Պետերբուրգում սկսվել են հայկական արմատներով գրող Սերգեյ Դովլաթովի մասին ֆիլմի նկարահանումները։
Ռեժիսոր Ալեքսեյ Գերմանը ձևավորել է տպավորիչ թիմ, որին, մասնավորապես, մասնակցում են դերասաններ Ելենա Լյադովան, Դանիլա Կոզլովսկին և Սվետլանա Խոդչենկովան, օպերատորն է Լուկաշ Զալը: Ֆիլմի նկարահանումներին մասնակցելու են նաև Հայաստանը, Սերբիան, Լեհաստանը, Ֆինլանդիան և Ռուսաստանը, գրում է MK-ն:
Չորս օր Սերգեյ Դովլաթովի կյանքից։ Պատահական հանդիպումներ, ընտանեկան հարաբերություններ, զրույցներ Իոսիֆ Բրոդսկու հետ արտագաղթի նախօրեին` կներկայացվի 1970-ականների լենինգրադյան կյանքը։
