Մարտի 14-ին Արարատի մարզի Բերդիկ գյուղի Արարատյան նրբանցքի տներից մեկի տանիքում հարազատները հայտնաբերել էին 19-ամյա Հովհաննես Մեհրաբյանին՝ կախված վիճակում:
«Փաստինֆո»-ին որոշ տեղեկություններ են հայտնի դարձել այս ցավալի դեպքի վերաբերյալ:
Տղան սովորել է Երևանի «Ավետիք Մկրտչյանի» անվան համալսարանի 1-ին կուրսում, և բանակից 3 տարվա տարկետում է ունեցել: Անցյալ տարվանից նա ընկերություն է արել իր ընկերոջ հարևանուհու հետ: Բայց այս տարեսկզբին նրանց սիրային կապը խզվել է:
Մարտի 13-ին Հովհաննեսն այցելել է նույն գյուղում բնակվող ընկերոջը, ով, ինչպես ասացինք, բնակվում է նախկին ընկերուհու հարևանությամբ:
Մեկ օր անց Հովհաննեսը զանգահարել է ընկերոջն ու ասել, որ այլևս իրեն չզանգահարեն, քանի որ ինքն անհասանելի է լինելու ու անջատել է իր բջջային հեռախոսը: Անհանգստացած ընկերը, չկարողանալով զանգահարել, գնացել է ընկերոջ տուն, բայց նա տանը չի եղել:
