Չինաստանի հարավում` Գուանդուն նահանգում, խեղդվել է 7 անդամից բաղկացած ընտանիք, որը փորձել է փրկել 17-ամյա մի աղջկա:
Ինչպես նշում է lenta.ru-ն, ողբերգական միջադեպը տեղի է ունեցել հանգուցյալների հիշատակի օրը, երբ ընտանիքի անդամներն այցելել են իրենց հարազատների գերեզմաններ:
Երիտասարդ աղջիկը, որոշելով լվանալ ձեռքերը, ընկել է ջրամբարը:
Տեսնելով վտանգի մեջ հայտնված աղջկան` հարազատները, այդ թվում՝ նաև նրա ծնողները, օգնության են շտապել, սակայն խեղդվել են դեռահասի հետ:
Աղբյուրը մանրամասնում է, որ մահացածների թվում եղել է ևս 2 դեռահաս` 13 և 15 տարեկան:
