Առաջին անգամ հրապարակվել է Germanwings-ի՝ Ֆրանսիայում կործանված ինքնաթիռի կապիտան Պատրիկ Զոնդերհայմերի լուսանկարը։ Այս մասին գրում է The Daily Mail-ը: Թերթը նշում է, որ նա այն օդաչուն է, որը փորձել է մտնել անձնակազմի խցիկ և խանգարել Անդրեաս Լյուբիցին:
Պարբերականը նաև նշում է, որ լուսանկարը Քյոլնում ավիաընկերության շտաբ-բնակարանից Զոնդերհայմերի միակ հայտնի լուսանկարն է: Օդանավի հրամանատարի լուսանկարի մոտ կարելի է տեսնել նաև Լյուբիցի լուսանկարը, բայց այդ հուշատախտակը Germanwings-ում պատրաստվել է մինչ հայտնի դառնալը, որ երկրորդ օդաչուն միտումնավոր է կործանել ինքնաթիռը՝ նշվում է հոդվածում: Ներկայացված են նաև ինքնաթիռի անձնակազմի մնացած անդամների լուսանկարները:
Մարտի 29-ին հրապարակվել է Ալպերում կործանված А320 ինքնաթիռի «սև արկղի» բովանդակությունը: Ձայնագրությունը սկսվում է օդանավի հրամանատարի ներողությունից, որը նա խնդրել է ուղևորներից 26 րոպեով Բարսելոնից թռիչքի ուշացման համար: 10.35-ին ձայնագրության մեջ լսվում են խցիկի դռանը մետաղական հարվածների ձայներ: Ենթադրաբար, հրամանատարը փորձել է դուռը կոտրել: Սկզբում մամուլը հայտնում էր, որ Զոնդերհայմերը կացին է օգտագործել, սակայն այդ գործիքը խցիկում է եղել: Ենթադրվում է, որ առաջին օդաչուն այլ մետաղական առարկա է օգտագործել, օրինակ՝ լինգ:
