Ինչպես արդեն հայտնել էինք Հայաստանի քաղաքացուն հայտնաբերել էին իր Lexus GX 450 ավտոմեքենայում չորս հրազենային մահացու վնասվածքով մերձմոսկովյան Շյոլկովի շրջանի Զագորյանսկ ավանում գործող «Охотничий домик» սրճարանի հարևանությամբ:
Ռուսական մամուլում հրապարակումներից տեղեկանում ենք, որ մահացածը «Մեդկոմ» ՍՊԸ-ի տնօրեն` 36-ամյա Սերգեյ Մկրտչյանն է: Նրա ընկերն էլ վիրավորվել է ոտքի շրջանում, հոսպիտալացվել է և արդեն ցուցմունք է տվել ու նկարագրել իրենց վրա կրակողին:
Ըստ պարբերականի՝ հնարավոր է, որ Մկրտչյանին սպանել են բիզնեսի նրա բաժինը ձեռք գցելու համար:
Անվտանգության տեսախցիկները ֆիքսել են գործարարի սպանությունը: Տեսանյութը հրապարակել է «360» հեռուստաալիքը:
