Ամերիկյան դատարանը դարձյալ քննում է մանկապղծության գործով (հետմահու) Մայքլ Ջեքսոնի դեմ ներկայացված հայցը՝ գրում է The Times-ը:
Դատական փաստաթղթերում նշվում է, որ Մայքլ Ջեքսոնը գաղտնի բեմադրել է հարսանեկան արարողություն, որի ժամանակ որպես «հարսնացու» հանդես է եկել 9-ամյա մի տղա, իսկ հետո երեխայի հորը վճարել է 1 մլն դոլար լռության դիմաց՝ գրում է թերթը:
Այս պնդման հեղինակը 36-ամյա Ջեյմս Սեյֆչակն է, ով փոփ-երգչին մեղադրել է սեռական ոտնձգությունների մեջ:
Եթե գործին ընթացք տրվի, ապա կարող են հրապարակվել վկայություններ, որոնք դատարանը չէր քննել 2005-ին, երբ Ջեքսոնի դեմ դարձյալ առաջադրվել էին մանկապղծության մեղադրանքներ:
«Սեյֆչակը պնդում է, որ երբ ինքը երեխա է եղել, Ջեքսոնը իրեն նվիրել է ամուսնության վկայական ու ամուսնական մատանի՝ որպես «անմահ սիրո» խորհրդանիշ»,- ասվում է հոդվածում: