Թուրքական NTV հեռուստաալիքի փոխանցմամբ՝ Թուրքիան հնարավորություն ունի կազմակերպել հակահրթիռային պաշտպանության համակարգի համար հրթիռների սեփական արտադրություն, սակայն չի բացառում օտար ընկերությունների հետ համագործակցելու հնարավորությունը։
Այդ մասին հայտարարել է Թուրքիայի պաշտպանական արդյունաբերության դեպարտամենտի ղեկավարի տեղակալ Իսմաիլ Դեմիրը. «Մենք կարող ենք ինքնուրույն արտադրել հեռահար գործունեության հրթիռներ (ՀՀՊ-ի համար), ինչպես նաև գնահատենք համագործակցության համար հնարավորությունները, այդ թվում նաև այն ընկերությունների հետ, որոնք հայտեր են ներկայացրել մրցույթին մասնակցելու համար»։
Նախորդ տարվա նոյեմբերին Թուրքիան պաշտոնապես չեղյալ հայտարարեց ՀՀՊ-ի համակարգի ստեղծման շուրջ անցկացված տենդերը, որը գնահատվում էր 3.4 միլիարդ դոլար և որոշեց ստեղծել ՀՀՊ-ի համակարգի ազգային նախագիծ։
2009 թվականին հայտարարված մրցույթի արդյունքները հրապարակվել էին 2013 թվականի սեպտեմբերին, որոնց համաձայն հաղթել էր չինական CPMIEC ընկերությունը, որը գտնվում էր ամերիկյան պատժամիջոցների ներքո։ Դա հարուցեց Արևմուտքի զայրույթը, և արդյունքում Թուրքիան հարկադրված եղավ զիջումների գնալ։
