Ավարտվել է Հիմնադիր խորհրդարանի փոխնախագահ Վարուժան Ավետիսյանի հարցաքննությունը։ Վերջինիս մեղադրանք է առաջադրվել Քրեական օրենսգրքի 225 հոդվածի 1-ին մասի հատկանիշներով՝ զանգվածային անկարգություններ նախապատրաստումը։
Այս մասին հայտնում են «100-ամյակը առանց ռեժիմի» շարժման մամուլի ծառայությունից։
Վարուժան Ավետիսյանին տեղափոխել են դատարան՝ նրա նկատմամբ կալանքը որպես խափանման միջոց 2 ամսով կիրառելու հարցը քննելու համար։ Այժմ ընթանում է Ժիրայր Սեֆիլյանի հարցաքննությությունը։
Հիշեցնենք, որ ավելի վաղ Հիմնադիր խորհրդարանի ձերբակալված անդամները՝ Ժիրայր Սեֆիլյանը, Գարեգին Չուգասզյանը, Վարուժան Ավետիսյանը, Պավլիկ Մանուկյանը և Գևորգ Սաֆարյանը տեղափոխվել էին Քննչական կոմիտե։