Ռեժիսոր Ֆիլիպ Ֆոկոնի «Ֆաթիմա» ֆիլմը, որը պատմում է Մաղրիբի երկրների բնակիչների մասին, լավագույնն է ճանաչվել ֆրանսիական հեղինակավոր «Սեզար» կինոմրցանակի հանձնման արարողության ժամանակ:
Ռեժիսոր Առնո Դեպլեշենը դարձել է լավագույն ռեժիսոր: Լավագույն արտասահմանյան ֆիլմ է ժյուրին ընտրել «Բըրդման» ֆիլմը, որը նկարահանել է մեքսիկացի ռեժիսոր Ալեխանդրո Գոնսալես Ինյարիտուն:
Լավագույն դերասանուհի է ճանաչվել Կատրին Ֆրոն, ով նկարահանվել է Քսավյե Ջանոլիի «Մարգարիտ» ֆիլմում:
Լավագույն դերասան մրցանակին է արժանացել Վենսան Լինդոնը` Ստեֆան Բրիզեի «Շուկայի օրենքը» ֆիլմում կատարած դերի համար:
«Պատվավոր Սեզար» անվանակարգում մրցանակն արդեն 2-րդ անգամ բաժին է հասել 71-ամյա դերասան Մայքլ Դուգլասին։
