Ռուս սահմանապահները հինգշաբթի գիշերը «Զվարթնոց» օդանավակայանում հայտնաբերել են Սիրիայի մի քաղաքացու, ով կեղծ անձնագրով փորձում էր ներթափանցել Հայաստան, հայտնում է Հայաստանում Ռուսաստանի ԱԴԾ Սահմանային վարչության մամուլի ծառայությունը։
Մամուլի հաղորդագրության համաձայն` Ստամբուլից ժամանած չվերթի ուղևորների անձնագրային ստուգման ժամանակ Սահմանային վարչության աշխատակիցը հայտնաբերել է Սիրիայի մի քաղաքացու, ով ներկայացրել է Գերմանիայի քաղաքացու կեղծ անձնագիր։
Ներկայում քաղաքացուն ձերբակալել են Հայաստանի Հանրապետության իրավապահ մարմինները հանցագործության բոլոր հանգամանքները պարզելու համար, ասվում է հաղորդման մեջ։