ԴԱԻՇ ահաբեկչական խմբավորման գլխավոր պարագլուխներից մեկը` Աբու Ումար աշ-Շիշանին կարող է սպանված լինել ԱՄՆ-ի ավիահարվածների հետևանքով, հաղորդում է CNN-ը:
ԱՄՆ զինվորականները ստուգում են տվյալ տեղեկությունը:
Ումար աշ-Շիշանին հայտնի է նաև որպես «Չեչենցի Ումար»: Ըստ բաց աղբյուրների տվյալների` նրա անունը Թարխան Բատիրաշվիլի է:
Անցյալ տարի ևս հայտնել են նրա մահվան, նաև ձերբակալության մասին: Սակայն, տեղեկությունը չի հաստատվել:
