Իրանական Fars լրատվական գործակալության փոխանցմամբ՝ Սիրիայում ընդդիմադիր խմբերը նախագահ Բաշար Ասադի հրաժարականը պահանջում են Սաուդյան Արաբիայի ու Իսրայելի պահանջով։ Այս մասին հայտարարել է Իրանի զինված ուժերի ղեկավար, գեներալ-մայոր Հասան Ֆիրուզաբադին։
Նա ընդգծել է, որ ազգի առաջնորդը կարող է ընտրվել միայն համաժողովրդական քվեարկության ճանապարհով։ Ֆիրուզաբադիի խոսքով՝ Ասադի հրաժարականը կհանգեցնի ահաբեկչության տարածմանը, ինչը մասնավորապես վերաբերում է ԴԱԻՇ-ին։
Նա չի համաձայնվել սիրիական ընդդիմության այն պնդման հետ, որ Ասադի հրաժարականը կօգնի վերջ դնել քաղաքացիական պատերազմին։
