Ամերիկացի կինոդերասան Լեոնարդո Դի Կապրիոն երախտագիտություն է հայտնել Յակուտիայի բնակիչներին իրեն հանձնված «Օսկար»-ի համար` պատրաստված իրենց զարդերից:
«Շնորհակալություն Յակուտիայի բնակիչներին այդ հրաշալի նվերի համար, հատկապես` կանանց, որոնք նյութեր են հավաքել, որոնցից պատրաստվել է այդ արձանիկը: Ինչպես նրանք գրել են իրենց նամակում` Յակուտիան մի տեղ է, որտեղ ոչ միան գտնվում է Ռուսաստանի, այլև Երկրի ամենացուրտ վայրը․ այս տարածաշրջանը հատկապես զգայուն է կլիմայի փոփոխությունների նկատմամբ: Ջերմաստիճանի բարձրացումը մարդկանց համար, նրանց կենսակերպի ու բնակելի միջավայրի համար գլխավոր սպառնալիքն է»,- Instagram-ի իր էջում գրել է դերասանը:
